Ծավալային քաշը հաշվարկ է, որն օգտագործվում է բեռնափոխադրումների ոլորտում՝ որոշելու փաթեթի քաշը՝ հիմնվելով դրա չափսերի, այլ ոչ թե իրական քաշի վրա: Այս մեթոդն օգտագործվում է, քանի որ փաթեթը օդանավում կարող է զբաղեցնել ավելի շատ տարածք, հատկապես, եթե փաթեթը մեծ է, բայց թեթև:

Ծավալային քաշի հաշվարկման բանաձևը սանտիմետրերով՝

Ծանրոցի բոլոր կողմերի (լայնություն, երկարություն, բարձրություն) արտադրյալը  բաժանել 6000-ի։ 

Եթե ստացված արժեքը գերազանցում է իրական քաշին՝ բեռնափոխադրումը հաշվարկում է ծավալային քաշով։

Ծավալային քաշ հաշվարկվում է օդային առաքման դեպքում։

Մաքսատուրքերը Հայաստանի Հանրապետության մաքսային սահմանով ապրանքների տեղափոխման համար սույն օրենսգրքով սահմանված կարգով եւ չափով պետական բյուջե գանձվող պարտադիր վճարներ են:

Ֆիզիկական անձիք պարտավորվում են մաքսատուրք վճարել այն ժամանակ, երբ մաքսային տարածք միջազգային փոստային առաքանիներով ուղարկվող անձնական օգտագործման ապրանքների արժեքը գերազանցում է 200 եվրոյին համարժեք գումարը կամ 31 կգ-ը։

Ըստ գործող կանոնակարգի՝

• եթե անձնական օգտագործման բեռը գերազանցում է թույլատրելի գումարային շեմը մաքսավճարը գանձվում է բեռի արժեքի և թույլատրելի շեմի տարբերության 15%-ի չափով։ 
• եթե անձնական օգտագործման բեռը գերազանցում է թույլատրելի քաշը մաքսատուրքը հաշվարկվում է բեռի արժեքի 15%-ի չափով կամ յուրաքանչյուր գերազանցող կիլոգրամի համար 2 եվրո սահմանաչափով։

Արտահանման համար արգելված իրերի ցուցակները սահմանվում են ՀՀ և ԱՄՆ մաքսային ծառայությունների կողմից։ 

ԱՄՆ ներմուծելու չթույլատրվող ապրանքների հիմնական պահանաջարկ ունեցող խմբերն են ՝ 

• Ծխախոտ և ծխախոտային արտադրանք
• Ալկոհոլ
• Դեղորայք
• Ազնիվ մետաղներ՝ ոսկի, արծաթ, պլատին և այլն
• Մսամթերք և ցանկացած տեսակի թարմ սնունդ
• Չորացրած կանաչի
• Ցանկացած տեսակի բույս
• Հեղուկ
• Փաստաթղթեր (մեր ընկերությունը չի արտահանում)

Հայաստանի կողմից արտահանման արգելք ունեցող ապրանքային խմբեր՝ 

• Ռազմամթերք
• Զենքեր  և հրազենի հիմնական մասեր /հրազեն, գազային, նետողական, ազդանշանային, օդաճնշիչ, սառը զենք/
•  Էլեկտրաշոկային uարքեր և կայծահաններ
• Վտանգավոր նյութեր /թմրամիջոցներ, հոգեներգործուն, ռադիոակտիվ, պայթուցիկ, թունավոր, դյուրավառ և այլ/, 
• Թունավոր կենդանիներ և բույսեր, 
• Հայաստանի Հանրապետության դրամական նիշեր և տարադրամ (բացառությամբ Հայաստանի Հանրապետության Կենտրոնական բանկի և դրա մասնաճյուղերի կողմից ուղարկվողների), 
• Շուտ փչացող սննդամթերք,
• Առարկաներ, որոնք իրենց բնույթով կամ փաթեթավորմամբ կարող են վնաս հասցնել փոստային կապի աշխատողներին, աղտոտել փոստային կապի մյուս առաքանիներն ու փոստային կապի սարքավորումները:

Իհարկե, մենք կազմակերպում ենք հավաքական բեռնափոխադրումներ՝

• ԱՄՆ-ից Հայաստան և հակառակ ուղղությամբ, 
• Հայաստանից ցանկացած երկիր և հակառակ ուղղությամբ, 
• ցանկացած երկրից ցանկացած երկիր։